Shakeel Shamsi
teri nazar ke samne ye dil nahin raha
a.ina aa.ine ke muqabil nahin raha
achchha hua ki vaqt se pahle bichhaḌ gaya
barbadiyon men tu miri shamil nahin raha
mujh ko samajh raha tha jo maazi ki ik kitab
vo bhi na.e nisab men shamil nahin raha
lauT aa.iin phir se kashtiyan tufan se haar kar
viran bahut dinon mira sahil nahin raha
munsif ki ungliyon ke nishan ḳhanjaron pe hain
ab koi apne shahr men qatil nahin raha
har ik qadam pe rakkha hai dil ka bahut ḳhayal
us ki taraf se men kabhi ghafil nahin raha
raqsan hai chara-gar ke isharon pe aj-kal
ab dil bhi e’tibar ke qabil nahin raha
Leave a Reply