tujh se milunga phir kabhi ḳhvab-o-ḳhayal bhi nahin
chehre pe in dinon magar gard-e-malal bhi nahin
a.ina-e-sifat men zaat ka aks kya mile
us ki talash ho kahan jis ki misal bhi nahin
tere sitam ki guftugu tere karam ki justuju
sub.h-e-firaq bhi nahin sham-e-visal bhi nahin
mujh ko talab se kya mila dard-o-sarab agahi
meri nazar men mo’tabar shahr-e-jamal bhi nahin
vo bhi the din ki aa.ina ban ke vo samne rahe
ye bhi hai ab ki ḳhvahish-e-pursish-e-hal bhi nahin
Leave a Reply