Poet
shikva-e-gham bhi gaya taqat-e-goya.i bhi
bhuul jaata huun koi baat jo yaad aa.i bhi
dekhna bhi nahin us samt gavara un ko
ḳhatm hai silsila-e-hausla-afza.i bhi
jab se andaz-e-baharan men taghayyur aaya
miT gaya dil se ḳhayal-e-chaman-ari.i bhi
har taraf bang-e-jaras bang-e-dara bang-e-azan
sone vaale hain ki lete nahin angḌa.i bhi
kaun ab ham ko tajalli ki haqiqat samjha.e
ho ga.e gum tire jalvon men tamasha.i bhi
kitni mushkil hai kisi sher ki tahlil ‘nasir’
kitni dushvar hai ehsas ki gira.i bhi
Leave a Reply