dil nahin khinchta hai bin majnun bayaban ki taraf
khush nahin aata nazar karna ghazalan ki taraf
fasl-e-gul ki ham asiron ko khabar kab hai vale
in dinon men shor sa kuchh hai gulistan ki taraf
aag ki mujh ko lagi hai pyaas ye kyunkar bujhe
kyunki dekhun sair us khurshid-e-taban ki taraf
is hava men rahm kar saaqi ki be-jam-e-sharab
dekh kar chhati bhari aati hai baran ki taraf
sehr ke dore jo sunte the so ab dekhe ‘yaqin’
dil khincha jaata hai us zulf-e-pareshan ki taraf
Leave a Reply