zindan-e-sub.h-o-sham men tu bhi hai main bhi huun
ik gardish-e-mudam men tu bhi hai main bhi huun
be-farsh-o-bam silsila-e-kaenat ke
is be-sutun nizam men tu bhi hai main bhi huun
be-sal-o-sin zamanon men phaile hue hain ham
be-rang-o-nasl naam men tu bhi hai main bhi huun
is daimi hisar men ham ko mafar kahan
zarron ke azhdaham men tu bhi hai main bhi huun
har tirah-fam sub.h ka virsa hai mushtarak
har nur-dida shaam men tu bhi hai main bhi huun
Leave a Reply