Yahi Ek Nibah Ki Shakl Hai Wo Jafa Karen Main Wafa Karun

yahī ik nibāh kī shakl hai vo jafā kareñ maiñ vafā karūñ

agar is pe bhī na nibhī to phir mire kirdgār maiñ kyā karūñ

hai mohabbat aisī bañdhī girah jo na ek haath se khul sake

koī ahd toḌe kare daġhā mirā farz hai ki vafā karūñ

maiñ hazār bātoñ meñ ek bhī kabhī un se khul ke na kah sakā

agar ek tarah kī baat ho to hazār tarah adā karūñ

jo hañsā to sūrat-e-zaḳhm-e-dil ki lahū ke qatre Tapak paḌe

maiñ sitam-rasīda huuñ ‘ārzū’ na bahā.ūñ ashk to kyā karūñ

Leave a Comment