lutf aane laga bikharne men
ek gham ko hazar karne men
bas zara sa phisal ga.e the ham
ik bagule pe paanv dharne men
kitni ankhon se bhar ga.i ankhen
tere ḳhvabon se phir guzarne men
main ne socha madad karoge tum
kam-nasibi ke ghaav bharne men
bujhte jaate hain mere log yahan
raushni ko bahal karne men
kis qadar haath ho gaya zaḳhmi
ḳhud-kushi tere par katarne men
Leave a Reply