poet

Khuli Hai Aankh Josh-E-Intizar-E-Yar-E-Jaani Hai

khuli hai aankh josh-e-intizar-e-yar-e-jani hai

ba-mushkil dida-e-zanjir khvab-e-pasbani hai

labon par aa chuka dam koi dam ki zindagani hai

chal uth o bevafa pahlu se ab kyuun mehrbani hai

laga duun aag uf karne men vo shoala-zabani hai

ba-shakl-e-shama saare jism men soz-e-nihani hai

kalam-e-hazrat-e-vaiz nasib-e-dushmanan bashad

unDelo mai piyo saghar kahan phir naujavani hai

umangen hain tabiat men bhari hain mastiyan dil men

hui jaati hain ankhen band kaif-e-naujavani hai

azab-e-ghaflat-e-qatil se ranj-e-kash-makash men huun

madad ai marg-e-be-taqsir zauq-e-jan-fishani hai

khabar kya puchhta hai ham-nafas kyuun kar guzarti hai

jigar jalta hai dil bhunta hai ashkon ki ravani hai

ada-o-naz-e-ima chashm-e-ghamza go vo koi ho

taalluq jis se ho jaae bala-e-nagahani hai

pasand aai hai is darja aziyyat dosti ham ko

nazar men dhuup bhi dasht-e-musibat ke suhani hai

khayal-e-mirzai ai ‘nasim’-dehlavi kab tak

jhuko buDDhe hue ab rukhsat-e-lutf-e-javani hai

More Poems

Leave a Comment