Tajdar Adil
vafa sarisht hai meri kaha na karta tha
ye faisla mire haq men hua na karta tha
bahut dinon se mire ghar pe roz aata hai
bulate rahte the jis ko suna na karta tha
yaqin nahin hai ki majbur ho gaya vo bhi
ḳhuda-parast tha aisa dua na karta tha
hazar ankhon pe ḳhvabon ne dastaken di thiin
magar vo haal tha dil ka khula na karta tha
bahut kamal the us men aur ek ye bhi tha
ki ik maqam se aage vafa na karta tha
Leave a Reply