zindagi tu ne lahu le ke diya kuchh bhi nahin
tere daman men mire vaste kya kuchh bhi nahin
aap in hathon ki chahen to talashi le len
mere hathon men lakiron ke siva kuchh bhi nahin
ham ne dekha hai ka.i aise ḳhudaon ko yahan
samne jin ke vo sach-much ka ḳhuda kuchh bhi nahin
ya ḳhuda ab ke ye kis rang men aa.i hai bahar
zard hi zard hai peḌon pe hara kuchh bhi nahin
dil bhi ik zid pe aḌa hai kisi bachche ki tarah
ya to sab kuchh hi ise chahiye ya kuchh bhi nahin
Leave a Reply