Hai Mere Dil Ki Ye Taswir Nazar Mein Rakh Lo

hai mire dil kī ye tasvīr nazar meñ rakh lo

ek TuuTā huā armān huuñ ghar meñ rakh lo

jāntā huuñ ki abhī saath nahīñ aa saktā

par mirī yaad to sāmān-e-safar meñ rakh lo

yuuñ to uḌne ke liye tāqat-e-parvāz bhī hai

phir bhī chāho to mirā hausla par meñ rakh lo

ye vahī gaañv haiñ fasleñ jo ugāte the kabhī

bhuuk le aa.ī hai in ko to nagar meñ rakh lo

Leave a Comment