ik shaam ye saffak o bad-andesh jala de
shayad ki mujhe shola-e-dar-pesh jala de
is dil ko kisi dast-e-ada-sanj men rakhna
mumkin hai ye mizan-e-kam-o-besh jala de
kis qaht-e-khor-o-khvab men main mol ke laaya
vo naan ki jo kasa-e-darvesh jala de
rukhsat ko hai dariya-e-dil-aram-e-ravani
jo kuchh hai safine ke pas o pesh jala de
shayad ki kabhi khak-e-kam-amez bala le
aur mujh ko pas-e-lauh-e-kam-andesh jala de
Leave a Reply