yaad un ki dil men aa.i vo asudgi liye
zulmat men aa.e jaise koi raushni liye
ai sa.i-e-zabt logon ko kya duun subut-e-gham
Dar se hansi ke main ne to aansu bhi pi liye
ziddain-e-kaifiyat ko ham ne sula diya
jiite rahe ḳhushi se gham-e-ashiqi liye
ai sang-e-astan mire sajdon ki laaj rakh
aaya huun e’tiraf-e-shikast-e-ḳhudi liye
‘ejaz’ koi chara-gar-e-gham na mil saka
phirta raha huun dahr men dil ki lagi liye
Leave a Reply