Ahmad Khayal
har ek rang dhanak ki misal aisa tha
shab-e-visal tumhara jamal aisa tha
hava ke haath pe chhale hain aaj tak maujud
mire charagh ki lau men kamal aisa tha
main chal pada huun andhere ki ungliyan thame
utarti shaam ke rukh ka jamal aisa tha
zara si der bhi thahra nahin huun maujon men
samay ke bahr men ab ke uchhal aisa tha
vo sar uthae yahan se palat gaya ‘ahmad’
main sar jhukae khada huun saval aisa tha
Leave a Reply