Jamal Owaisi
pahle ki ba-nisbat hai mujhe kaam ziyada
dil ko hai magar ḳhvahish-e-aram ziyada
nakam rahi sha.eri jin pesh-ravon ki
dete hain azizon ko vo paigham ziyada
kam-kosh the kaj apni kulah rakh nahin paa.e
baghi na bane aur hue badnam ziyada
kuchh haare hue baiTh ke ab soch rahe hain
aghaz kya kam hua anjam ziyada
duniya se tavaqqo.a nahin kuchh dad-o-sitad ki
ḳhuban ko sada deti hai dushnam ziyada
Leave a Reply