tu meri ninden talashta hai yahi bahut hai
tu mire khvabon men jagta hai yahi bahut hai
zamana tujh ko harif kah le use ye haq hai
miri nazar men tu devta hai yahi bahut hai
bahar men tu na jaane kaise kahan pe gham tha
khizan men mujh ko pukarta hai yahi bahut hai
jahan charaghon ki lau khamoshi se chup hui hain
vahan pe akhir tu bolta hai yahi bahut hai
khayalon ke ye sarab tujh ko dubo hi denge
jise tu kahta hai rasta hai yahi bahut hai
gae dinon ki ajiib yadon ko bhuul jaao
tujhe ik ‘alam’ jo chahta hai yahi bahut hai
Leave a Reply