usi jannat jahannam men marunga
ga.e mausam ko avazen na dunga
na.e jismon se maqtal jagte hain
na.e logon ke raste par chalunga
miri ankhen salamat hain to phir main
para.e ḳhvab le kar kya karunga
lahu ki surḳhiyan mere alam hain
ḳhizan ke zard lashkar se laḌunga
kisi ḳhitte men qatl-e-raushni ho
main apne shahr par nauha kahunga
aur us par jo sitam TuTega us ko
tumhare naam likkhunga sahunga
Leave a Reply