Mirza Altaf Husain Alim Lucknowi
kisi hasrat-zada ne ḳhud-kushi manzur ki dil se
sada labbaik ki sun kar zamin-e-ku-e-qatil se
ḳhuda ke vaste dam bhar to ai bad-e-ajal tham ja
ki le luun kuchh hava main daman-e-shamshir-e-qatil se
Thaharna o dil-e-betab phir tu bhi to siine men
nikal aa.e taḌap kar mauj jab aghosh-e-sahil se
zamin se asman tak meri betabi ka charcha hai
sabaq leti hai bijli aa ke mere qalb-e-bismil se
koi tadbir socho taaki dil aa jaa.e qaabu men
kahin main qaid ho sakta huun in tauq-o-salasil se
abhi dekho to meri mashq kis had tak pahunchti hai
bana lunga kabhi tum ko bhi apna jazb-e-kamil se
gira tha qatra-e-avval jo mere ḳhun-e-nahaq se
uThi thi surḳh ik andhi zamin-e-ku-e-qatil se
vo ab aate hi honge aur yaan par aa ke baiThenge
ḳhudavanda ye baten kab talak ‘alim’ kare dil se
Leave a Reply