Rakhshan Hashmi
ḳhud ko jis ke liye bhulati huun
kya use bhi main yaad aati huun
us ka chehra kitab jaisa hai
roz paḌhti huun muskurati huun
vaise ankhen udaas rahti hain
dekh kar us ko jagmagati huun
janti huun hava miTa degi
main gharaunde magar banati huun
ghar ki divar hai sakhi meri
main usi se gapen laḌati huun
aap aḳhbar dekhiye tab tak
main abhi chaa.e le kar aati huun
samne apne aa.ina rakh kar
roz apni hansi uḌati huun
vo mira e’tibar hai ‘raḳhshan’
jis se aksar fareb khati huun
Leave a Reply