Zindagi Se Hasin Udasi Hai

zindagi se hasin udasi hai

ye miri ham-nashin udasi hai

kab se pindar men muqayyad hai

kaisi parda-nashin udasi hai

lahza lahza use kashid karo

ki mai-e-angbin udasi hai

jura jura pila mujhe saaqi

man hiran satgin udasi hai

kaaba-e-dil men hai jo mahv-e-tavaf

jahan tab-e-jabin udasi hai

parbaton vadiyon men basti hai

jangalon ki makin udasi hai

vo tah-e-ab jal-pari si hai

meri sahra-nashin udasi hai

dekh kar la rahi hai hasti men

jan-e-jan ja-guzin udasi hai

sun adam se vajud tak har ja

khanuman men makin udasi hai

jada-o-sang-mil-o-maskan men

rahbaron ka yaqin udasi hai

diip bim-o-raja ka jaan gul ho

dekhna tum vahin udasi hai

zarb ik khol ki fasilon men

hashiyon ke qarin udasi hai

jauhar-e-hast mirza-‘ghalib’ thi

aaj khak-e-barin udasi hai

vaan khushi ki numu muhal si hai

us ke dil ki zamin udasi hai

Leave a Comment