uTha.ega kab tu hijabat saaqi
giraftar mushkil men hai zaat saaqi
ye mahsur kis da.ere men hui huun
na din hi mira na miri raat saaqi
agar mil ga.e ho to ruk jaao do pal
na jaane ho phir kab mulaqat saaqi
yahan hosh valon ka jiina hai mushkil
tu le chal hamen phir ḳharabat saaqi
tira mai-kada tere pyale subuhi
kare koi kaise shikayat saaqi
‘sahar’ tu ne ankhon se aisi pila.i
na bhule tiri ham mudarat saaqi
Leave a Reply