ḳhali siine men dhaḌakte hue avaze se
bhar ga.i umr miri saans ke ḳhamiyaze se
muntazir hi na raha bam-e-tamanna pe koi
aur hava aa ke guzarti rahi darvaze se
sham-e-sad-rang mire a.ina-ḳhane men Thahar
main ne tasvir banani hai tire ghaze se
mujh ko aaya hi nahin jis ka yaqin aaj talak
vo ḳhuda kitna baḌa hai mire andaze se
aur kuchh haath na aaya to miri ankhon ne
chun liye ḳhvab hi bikhre hue shiraze se
Leave a Reply