Sajida Zaidi
tarjumani-e-gham-e-zist ka mausam bhi nahin
shoala-e-gham bhi nahin mauj-e-tabassum bhi nahin
koi unvan koi surat nahin vajh-e-taskin
vahshat-e-dil ki dava jan-e-jahan tum bhi nahin
pa-ba-zanjir hui jaati hai parvaz-e-khayal
dil ki avaz men jazbon ka tarannum bhi nahin
phir ye kya shai hai jo rakhti hai hirasan shab-o-roz
bahr-e-ehsas ki maujon men talatum bhi nahin
Leave a Reply