Poet
umangon men vahi josh-e-tamanna-zad baaqi hai
abhi dil men ḳhuda rakkhe kisi ki yaad baaqi hai
sar-e-manzil fareb-e-rahnuma ka toḌ mushkil tha
ghanimat hai ki shauq-e-marhala-ijad baaqi hai
hansi aati hai tere is ghurur-e-dam-dari par
koi phanda bhi sabit aaj ai sayyad baaqi hai
sahar ne aa ke chehra vaqt ka dhoya to kya dhoya
fazaon par ghubar-e-ḳhatir-e-nashad baaqi hai
tabahi gherne vaali thi aḳhir kin safinon ko
tah-e-girdab shor-e-har-che bada-bad baaqi hai
abhi se bandh ga.i hichki chaman-afroz kaliyon ki
abhi to dastan-e-nig.hat-e-barbad baaqi hai
zaban-e-vaqt kal se ik naya afsana chheḌegi
bahut thoḌi si ‘yaqub’ aaj ki rudad baaqi hai
Leave a Reply