Khwaja Tariq Usmani
bas yahi mas.ala hai donon ka
ishq ye dusra hai donon ka
is liye ehtiyat haavi hai
ek sa tajraba hai donon ka
vasl ki lazzaten bhi chahte hain
dil bhi ukta raha hai donon ka
phir isharon men baat kaise ho
ek hi zaviya hai donon ka
laḌte rahte hain zehn-o-dil har vaqt
jaane kya mas.ala hai donon ka
donon kirdar ek se hain magar
munfarid vaqi.a hai donon ka
ham to donon hi pir-zade hain
ek hi silsila hai donon ka
Leave a Reply