poet

Yaad Ke Shahr Meri Jaan Se Guzar

yaad ke shahr miri jaan se guzar

qurb ke akhiri imkan se guzar

jal bujhi thi main tire khilne tak

ab miri khak-e-pareshan se guzar

aks bunne laga sahra tere

mere suraj rukh-e-taban se guzar

zakhm gar mere ho kuchh aur ata

haan abas nashtar o paikan se guzar

uth chukin gul-sukhani ki rasmen

gosh-e-jan harf-e-baharan se guzar

akhiri lau na bujha jaae kahin

shab-e-jan men ruke mehman se guzar

ai mire abr miri mitti ki

tishnagi par sar-e-mizhgan se guzar

aankh ab tirgi-e-gham se bujhi

ashk-e-khun jashn-e-charaghan se guzar

More Poems

Leave a Comment