poet

Nigah-E-Shauq Agar Dil Ki Tarjuman Ho Jae

nigah-e-shauq agar dil ki tarjuman ho jaae

to zarra zarra mohabbat ka raz-dan ho jaae

phir is ke ranj-o-gham o daagh ki had hai koi

jo is jahan men ghadi bhar ko shadman ho jaae

kasi se kya gila-e-jaur-e-asman kiije

ki jis zamin pe rahen ham vo asman ho jaae

‘haya’ thikana bhi kuchh aisi dard-mandi ka

ki lab tak aae na ik harf aur fughan ho jaae

More Poems

Leave a Comment