lag ja tu mire siina se darvaza ko kar band
de khol qaba apni ki be-khauf-o-khatar band
afsun-e-nigah se tiri ai saqi-e-bad-mast
shishe men hui misl-e-pari apni nazar-band
makdate hue phirte hain ham kuche men us ke
kya kijiye darvaza idhar band udhar band
ya shah-e-najaf naam ishare men tira luun
ho jaae dam-e-naza zaban mere agar band
aave vo agar yar-e-safar-karda to ‘insha’
main daud ke kis lutf se khulvaun qamar-band
Leave a Reply