Naina Adil
ḳhvabon ka koi sira nahin hai
hai bhi to mujhe pata nahin hai
ta-dur ghubar uḌ raha hai
hone ko to kuchh hua nahin hai
phir raat ki sarzamin hai main huun
aur haath men phir diya nahin hai
phir raat ki sarzamin hai main huun
aur haath men phir diya nahin hai
ik ḳhvab ki lau hai chashm-e-tar men
tasvir men kuchh naya nahin hai
bedar hain shahar ki hava.en
vo shaḳhs abhi gaya nahin hai
sahra men ghaTa baras rahi hai
ye vaqt lekin mara nahin hai
sanson men kasak hai ajnabi si
us ne to abhi chhua nahin hai
main vaqt se chal rahi huun aage
ta-dur koi sada nahin hai
sarshar huun sher kah ke ‘naina’
kuchh aur agar sila nahin hai
Leave a Reply