ji chaha jidhar chhod diya tiir ada ko
chutki men udaae hue phirte hain qaza ko
sajdon ka bhi mauqaa na raha ahl-e-vafa ko
phir phir ke mitate hain vo naqsh-e-kaf-e-pa ko
jab paate hain sar dhunte hi paate hain ‘rasa’ ko
samjhae kahan tak koi is mard-e-ḳhuda ko
yuun ham ne chhupai hai tire vasl ki hasrat
jis tarah chhupata hai ḳhata-var ḳhata ko
ab chhod ‘rasa’ ishq-e-butan dekh kaha maan
kambaḳht tujhe munh bhi dikhana hai ḳhuda ko