Jameeluddin Aali
kisi ko naz-e-ḳhirad hai kisi ko faḳhr-e-junun
main apne dil ka fasana kahun to kis se kahun
na iztirab men lazzat na arzu-e-sukun
koi kahe ki main ab kya fareb kha ke jiyun
rahegi phir na ye kaifiyyat-e-talab ai dil
chhupe hue hain to hai ishtiyaq-e-did fuzun
hai aaj dil pe guman husn-e-na-shanasi ka
jala chuke jab use jalva-ha-e-guna-gun
ho ab bhi fikr men mushkil to yaad aate hain
vo har ada men taghazzul ke saikḌon mazmun
tum aise kaun ḳhuda ho ki umr bhar tum se
umiid bhi na rakhun na-umid bhi na rahun
Leave a Reply