Zindagi Ko Ek Rangin Dastan Samjha Tha Main

Poet

zindagi ko ek rangin dastan samjha tha main

zindagi bar-e-garan hai ye kahan samjha tha main

haan vahi aansu Tapak kar kitna rusva kar ga.e

jin ko apna razdar-e-be-zaban samjha tha main

un ka daman thaam kar kitne daraḳhshan ho ga.e

mere vo aansu ki jin ko ra.egan samjha tha main

allah allah un ke paa.e naaz ka husn-e-ḳhiram

rahguzar thi un ki jis ko kahkashan samjha tha main

tah-ba-tah zulm-o-sitam ki ik rida-e-nil-gun

khinch di sar par jise haft asman samjha tha main

ajiib shaḳhs tha mansur sochta huun main

ki de ke sar bhi pukara kiya ḳhuda huun main

na sair-gah na meri qayam-gah yahan

bhaTak ke hadd-e-ta.ayyun men aa gaya huun main

ḳhirad ki saari haden paar ho ga.iin phir bhi

kisi pe ye na khula aaj tak ki kya huun main

suna hai jab se har ik shai men tera jalva hai

baḌe ghurur se a.ina dekhta huun main