ahmad-khayal

Zindagi Khauf Se Tashkil Nahin Karni Mujhe

zindagi khauf se tashkil nahin karni mujhe

raat se zaat ki takmil nahin karni mujhe

kisi darvesh ke hujre se abhi aaya huun

so tire hukm ki tamil nahin karni mujhe

chhod di dasht-navardi bhi ziyan-kari bhi

zindagi ab tiri tazlil nahin karni mujhe

dil ke bazar men zanjir-zani honi nahin

aankh bhi aankh rahe jhiil nahin karni mujhe

main ki ilhad ke girdab men aaya hua huun

ab kisi ilm ki tahsil nahin karni mujhe

ladte rahna hai tasalsul se mujhe sub.h talak

aur talvar bhi tabdil nahin karni mujhe

More Poems

Leave a Comment