Haseeb Soz
ab use chhoḌ ke jaana bhi nahin chahte ham
aur ghar itna purana bhi nahin chahte ham
sar bhi mahfuz isi men hai hamara lekin
kya karen sar ko jhukana bhi nahin chahte ham
apni ghairat ke liye faqa-kashi bhi manzur
teri sharton pe ḳhazana bhi nahin chahte ham
haath aur paanv kisi ke hon kisi ka sar ho
is tarah qad ko baḌhana bhi nahin chahte ham
ankhen jab di hain nazare bhi ata kar ya-rab
ek kamre men zamana bhi nahin chahte ham
Leave a Reply