jinhen raas aa gae hain ye sahar-numa andhere
ye talash-e-sub.h-e-nau men kabhi ham-safar the mere
thiin jo qatl-gahen un ki hain vahi qayam-gahen
the jo rahzanon ke maskan hain vo rahbaron ke dere
main jahan-e-be-dili men kahan le ke jaun dil ko
mire dil ki ghaat men hain yahan char-su lutere
ai shabon ke pasbanon main ye tum se puchhta huun
jinhen pujte rahe ho vo kahan gae savere
are main to be-nava huun jo kabhi na bik sakega
are tum sunar ho kar yahan ban gae kasire
Leave a Reply