yuun dard ki shiddat se pukari miri ankhen
ḳhvabon ke bikhar jaane se haari miri ankhen
palkon pe gham-e-hijr ke sab diip jala.e
nindon ke shabistan men bhari miri ankhen
tanha.i men ik ḳhvab ki lau phuuT rahi hai
bujh sakti nahin ranj ki maari miri ankhen
tum jab se mire aankh ke hujre men makin ho
pur-nur hui aur bhi pyari miri ankhen
ye kis ki ziyarat se chhalakta hai ujala
is surma-e-manzar ne nikhari miri ankhen
sapnon ke hasin taḳht pe hain roz-e-azal se
baiThi hain bani raj-kumari miri ankhen
ye rasm shab-e-gham se hi ijad hui hai
ashkon ke sitaron se sanvari miri ankhen
Leave a Reply