inayat hai tiri bas ek ehsan aur itna kar
mire is dard ki mi.ad men bhi kuchh izafa kar
guman se bhi ziyada chahiye sarsabz kisht-e-jan
faqat pichhle pahar kya har pahar ai aankh barsa kar
to phir ikram kya shai hai jo tanha.i men tanha huun
koi mahfil ata kar qa.ede ki us men tanha kar
nafas ki amad-o-shud ruk na jaa.e peshtar is se
zamin ko aur nicha asman ko aur uncha kar
bahut mumkin hai meri baten be-ma.ani lagen tujh ko
inhen majzub ki baḌ jaan aur chup-chap socha kar
Leave a Reply