Ahmad Khayal
ghubar abr ban gaya kamal kar diya gaya
hari bhari ruton ko meri shaal kar diya gaya
qadam qadam pe kaasa le ke zindagi thi raah men
so jo bhi apne paas tha nikal kar diya gaya
main zakhm zakhm ho gaya lahu vafa ko ro gaya
ladai chhid gai to mujh ko dhaal kar diya gaya
gulab-rut ki deviyan nagar gulab kar gaiin
main surkh-ru hua use bhi laal kar diya gaya
vo zahr hai fazaon men ki aadmi ki baat kya
hava ka saans lena bhi muhal kar diya gaya
Leave a Reply