Dheerendra Singh Faiyaz
zindagi is tarah guzari hai
silsila ḳhatm saans jaari hai
dard gham ashk aur mayusi
teri ummid sab pe bhari hai
main ne DhunDhi to muḳhtasar paa.i
duniya jo dikhti itni saari hai
niind ke baazu TuuT jaate hain
ḳhvab ka bojh itna bhari hai
khel khela tha umr ka lekin
maut jiiti hayat haari hai
ye nahin raat ka siyah anchal
ye faqat raat ki kanari hai
vaqt ki dhuul jam ga.i thi phir
umr ki phir parat utari hai
Leave a Reply