Qadir Siddiqi
chhoḌen ana ko ham to tiri justuju karen
paḌhni hai gar namaz to pahle vuzu karen
karne ko dil ki baat karen sab se ham magar
vo dil kahan se laa.en tire ru-ba-ru karen
milne ka lutf jab hai ki vo hon hamin men gum
karne ko ham talash unhen ku-ba-ku karen
kyon us jafa-shi.ar se chheḌen vafa ki baat
kyon zikr tishnagi ka lab-e-abju karen
aison se hoshyar rahen ‘qadir’ aap bhi
jo tum bana.en aap ko aur tum ko tu karen
Leave a Reply