abdussalam-asim

Shikwa-Ha-e-Gham-e-Jahan Se Bachen

shikva-ha-e-gham-e-jahan se bachen

aa ki ham sai-e-raigan se bachen

aa ki samjhen zamin ki khush-sababi

be-sabab khauf-e-asman se bachen

chhin le jo yaqin ki taufiq

laziman aise har guman se bachen

saal bhar dil lagaen padhne men

raat din fikr-e-imtihan se bachen

jo bila tabsira padhi jaae

ishq ki aisi dastan se bachen

More Poems

Leave a Comment