Zindagi Gham Ki Aanch Sah Koi

zindagi gham ki aanch sah koi

yuun jali yuun bujhi ki dhuul hui

ham ne bhi jashn-e-gul ko dekha tha

aaj tak sochte hain bhuul hui

kya karen apni is tabiat ko

aap se mil ke bhi malul hui

husn-e-shirin raha shikar-e-havas

jehd-e-farhad be-husul hui

ham hain vo kushtagan-e-shauq jinhen

sohbat-e-dar bhi qubul hui

le sambhal zulmaton ke rakhvale

apna ab raushni usuul hui

kis ko hansta mila chaman men ‘riyaz’

ghunchagi kis ki khil ke phuul hui

Leave a Comment