Meraj Faizabadi
zindagi di hai to jiine ka hunar bhi dena
paanv baḳhshen hain to taufiq-e-safar bhi dena
guftugu tu ne sikha.i hai ki main gunga tha
ab main bolunga to baton men asar bhi dena
main to is ḳhana-badoshi men bhi ḳhush huun lekin
agli naslen to na bhaTken unhen ghar bhi dena
zulm aur sabr ka ye khel mukammal ho jaa.e
us ko ḳhanjar jo diya hai mujhe sar bhi dena
Leave a Reply