poet

Dil Mera Khwab-Gah-E-Dilbar Hai

dil mira khvab-gah-e-dilbar hai

bas yahi ek sone ka ghar hai

zulfen munh par hain munh hai zulfon men

raat bhar subh shaam din bhar hai

chashm-e-insaf se nazara kar

ek qatra yahan samundar hai

bahut iiza uthai furqat ki

ab nahin ikhtiyar dil par hai

dekh kar chand sa tumhara munh

aina meri tarah shashdar hai

dil milaun main kya tire dil se

ek shisha hai ek patthar hai

More Poems

Leave a Comment