Chand Nikla Tha Pare Baam Se Pahle Pahle

chāñd niklā thā pare baam se pahle pahle

us galī bhuul paḌe shaam se pahle pahle

bojh ik dil pe liye sub.h se ranjīda huuñ

bhar liye ashk tire jaam se pahle pahle

tujh se vābasta haiñ ummīd ke saa.e saa.e

ḳhvāb to dekh leñ anjām se pahle pahle

shoḳh rangoñ se machaltā hai bahaktā bādal

kaam āsān hai ālām se pahle pahle

bū-e-gul phail chalī hai mire afsāne kī

naam aa.egā tire naam se pahle pahle

soch terī hai masāfat kī tavālat merī

ek lamhe ko mileñ kaam se pahle pahle

Leave a Comment