Ramesh Kanwal
kabhi bulao, kabhi mere ghar bhi aaya karo
yahi hai rasm-e-mohabbat, ise nibhaya karo
tumhare jism ke ash.ar mujh ko bhate hain
miri vafa ki ghazal tum bhi gungunaya karo
tumhare vasl ki raton ki lazzaton ki qasam
mujhe juda.i ke manzar na ab dikhaya karo
qarib aao, in ankhon ki justuju dekho
hayat ban ke mire saath jagmagaya karo
sharif-zadon ki beja ḳhataon se milne
yatim-ḳhanon ke bachchon se milne jaaya karo
hamare hisse men maan ki dua.en aa.iin ‘kanval’
tum apne hisse ki daulat se ghar sajaya karo
Leave a Reply