zindagi dard se qarib rahe
gham ki daulat mujhe nasib rahe
mausam aisa bhi ho koi sayyad
baagh jab vaqf-e-andalib rahe
muskura do kisi ki mayyat par
maut kyon tira-o-muhib rahe
vasl ko vasl janne ke liye
zinat-e-bazm ik raqib rahe
jaan ka khel khelne vaalo
imtihan ko dar-e-habib rahe
jaag kar main ne kaaT diin raten
niind men gum magar nasib rahe
kis ne ‘altaf’ di dua mujh ko
dard se zindagi qarib rahe
Leave a Reply