Zindagi Dard Se Qarib Rahe

zindagī dard se qarīb rahe

ġham kī daulat mujhe nasīb rahe

mausam aisā bhī ho koī sayyād

baaġh jab vaqf-e-andalīb rahe

muskurā do kisī kī mayyat par

maut kyoñ tīra-o-muhīb rahe

vasl ko vasl jānñe ke liye

zīnat-e-bazm ik raqīb rahe

jaan kā khel khelne vaalo

imtihāñ ko dar-e-habīb rahe

jaag kar maiñ ne kaaT diiñ rāteñ

niiñd meñ gum magar nasīb rahe

kis ne ‘altāf’ dī duā mujh ko

dard se zindagī qarīb rahe

Leave a Comment