nigah-e-baghban kuchh mehrban ma.alum hoti hai
zamin par aaj shaḳh-e-ashiyan ma.alum hoti hai
bulaya ja raha hai janib-e-dar-o-rasan ham ko
muqaddar men hayat-e-javidan ma.alum hoti hai
nigahon men hain kis ke ariz-e-gul-rang ke jalve
ki duniya gulistan-dar-gulistan ma.alum hoti hai
miri kashti ko shikva bahr-e-be-payan ki tangi ka
tujhe ek aabju bhi be-karan ma.alum hoti hai
pahunch kar asman par bhi to dekho ai zamin vaalo
vahan se ye zamin bhi asman ma.alum hoti hai
Leave a Reply