Poet
betab hain kisi ki nigahen naqab men
hain bijliyan ki kaund rahi hain sahab men
likkhunga ḳhat men ḳhuub adu ki bura.iyan
ho kar ḳhafa vo kuchh na likhenge javab men
ham ko hai un ki fikr to un ko adu ki fikr
donon hain ek silsila-e-iztirab men
us chheḌ ke nisar ki sun kar saval-e-vasl
a.ina rakh diya mire aage javab men
yaron main bu-e-mehr-o-mohabbat nahin ‘nasim’
kya ḳhaak uḌ rahi hai jahan-e-ḳharab men
Leave a Reply