Sufi
jis shakhs ko dekho vahi sargarm-e-safar hai
duniya kahin viran na ho jaae ye dar hai
laegi kabhi rang havaon ki mohabbat
ham jis men basar karte hain vo ret ka ghar hai
sahra men kisi saae ki ummid na tuuti
hasrat ki nigahon men bagula bhi shajar hai
nikli hai gumanon se yahi shakl yaqin ki
jis samt ude gard vahi rahguzar hai
mahtab to nikla hi nahin duub ke ‘fakhir’
lekin mire dariya men vahi madd-o-jazar hai
Leave a Reply